РАДИОИ ФАРҲАНГ

Фарҳанг — ҳастии миллат!

Сафири Тоҷикистон дар Давлати Қатар бо Дабири кулли Вазорати корҳои хориҷии Қатар мулоқот намуд

22 сентябри соли 2022 сафири Ҷумҳурии Тоҷикистон дар Давлати Қатар Хисрав Соҳибзода бо Дабири кулли Вазорати корҳои хориҷии Қатар д-р Аҳмад ал-Ҳамодӣ мулоқот намуд. Дар ин бора аз Вазорати корҳои хориҷии Тоҷикистон хабар доданд.

Сафир дар бораи идомаи иқдомҳои иғвогарона ва хасмонаи Қирғизистон дар ноҳияҳои наздисарҳадӣ ва пайомадҳои фоҷиабори таҷовузи мусаллаҳонаи нерӯҳои ҳарбии Қирғизистон маълумот дод. Ба ҷониби қатарӣ далелҳои истифодаи нерӯҳои қирғиз аз аслиҳаи вазнин ва ҳавопаймоҳои бесарнишин бар зидди аҳолӣ ва сарҳадбонони тоҷик, қатли ваҳшиёнаи шаҳрвандони осоишта, тахриби масҷиду манзилҳо, муассиаҳои таълимӣ ва дигар иншооти муҳимми иҷтимоӣ пешниҳод карда шуд.

Дар рафти суҳбат, ки дар фазои дӯстона ва ҳусни тафоҳум сурат гирифт, ҳамчунин масъалаҳои мубрами ҳамкориҳои дуҷониба ва бисёрҷонибаи Тоҷикистон ва Қатар мавриди баррасӣ қарор гирифтанд.

Please follow and like us:
Pin Share

Добавить комментарий

Ваш адрес email не будет опубликован.

YouTube
Telegram