24 июл дар шаҳри Ҷидда вохӯрии Сафири Ҷумҳурии Тоҷикистон дар Подшоҳии Арабистони Саудӣ, Намояндаи доимии Ҷумҳурии Тоҷикистон дар назди Созмони ҳамкории исломӣ Акрам Каримӣ бо ноиби Президенти Гурӯҳи Бонки исломии рушд оид ба амалиёт, доктор Ромӣ Аҳмад баргузор гардид.
Тавре аз Сафорати Ҷумҳурии Тоҷикистон дар Подшоҳии Арабистони Саудӣ хабар доданд, зимни мулоқот ҷонибҳо масъалаҳои вобаста ба густариши ҳамкории дуҷониба бо Бонки исломии рушдро мавриди баррасӣ қарор доданд.
Аз ҷумла, ҷараёни татбиқи лоиҳаҳои рушде, ки дар Ҷумҳурии Тоҷикистон бо дастгирии молиявии ин ниҳод амалӣ мешаванд, муҳокима гардид.