Аз 8 то 10 декабр дар шаҳри Бишкеки Ҷумҳурии Қирғизистон ҷаласаи Шурои директорони осорхонаҳои миллии Осиёи Марказӣ баргузор гардид, ки дар он ҳайати Ҷумҳурии Тоҷикистон иштирок намуд. Дар ин хусус аз Осорхонаи миллӣ хабар доданд.
Мақсади асосии ҷаласа аз табодули таҷриба дар самтҳои мухталифи фаъолияти осорхонавӣ иборат буд.
Бояд гуфт, ки Шурои директорони осорхонаҳои миллии Осиёи Марказӣ дар таҳия ва татбиқи самтҳои афзалиятноки соҳаи таърих, фарҳанг, санъат, осорхонаҳо, инчунин баргузории намоишҳо, конфронсҳо ва семинару симпозиумҳои муштараки илмӣ-амалӣ мусоидат менамояд.
Please follow and like us:
