Бахшида ба Ҷашни байналмилалалии Наврӯз да шаҳру ноҳияҳои вилояти Суғд мусобиқаҳои гуногуни варзишӣ баргузор мегарданд. Дар ин бора аз Кумитаи кор бо ҷавонон ва варзиши назди Ҳукумати Ҷумҳурии Тоҷикистон хабар доданд.
Мусобиқаҳои байналмилалии варзишӣ бо ташаббуси Кумитаи кор бо ҷавонон ва варзиш доир шуда, дар он варзишгарони давлатҳои гуногун иштирок менамоянд.
Аз ҷумла, 15 март дар шаҳри Хуҷанд баргузории Дави дӯстии наврӯзӣ ва Марафони велосипедронӣ дар масофаи то 5 километр бо иштироки 40 нафар варзишгарон аз Узбекистон ва Қирғизистон.
Ҳамзамон 15-19 март дар шаҳри Хуҷанд баргузории Мусобиқаи байналмилалии дӯстонаи варзишӣ аз намуди теннис бо иштироки 26 нафар меҳмонону варзишгарон, аз ин шумора 12 нафар аз ҷумҳуриҳои Узбекистон ва Қирғизистон дар назар дошта шудааст.
16-17 марти соли 2025 дар Варзишгоҳи марказии шаҳри Панҷакент баргузории Мусобиқаи байналмилалии гӯштингирӣ бо иштироки 67 нафар меҳмонону варзишгарон, аз ин шумора 33 нафар аз кишварҳои Узбекистон, Қирғизистон, Эрон ва Федератсияи Русия дар назар аст.
25-27 март дар Қалъаи Муғтеппаи шаҳри Истаравшан баргузории Мусобиқаи байналмилалии гӯштингирӣ бо иштироки 67 нафар меҳмонону варзишгарон, аз ин шумора 33 нафар аз давлатҳои Узбекистон, Қирғизистон, Эрон ва Федератсияи Русия ба нақша гирифта шудааст.
Дар ноҳияи Ҷаббор Расулов аз 23 то 26 март баргузории Мусобиқаи байналмилалии варзиши сайёҳӣ аз намуди роҳгардии сайёҳӣ бо иштироки 55 нафар меҳмонону варзишгарон, аз ин шумора 33 нафар аз ҷумҳуриҳои Узбекистон, Қирғизистон ва Эрон ба нақша гирифта шудааст.
Ҳамзамон аз 14 то 16 март дар шаҳри Хуҷанд Мусобиқаи байналмилалии дӯстонаи футболи хурд бо иштироки 16 даста ва 240 нафар меҳмонону варзишгарон, аз ин шумора 8 даста ва 120 нафар аз ҷумҳуриҳои Узбекистон ва Қирғизистон баргузор мегардад.
