Аз 21 то 27 июли соли равон дар шаҳри Пномпен, пойтахти Камбоҷа, олимпиадаи байналмилалии IKO-2025 аз фанҳои математика ва забони англисӣ баргузор гардид. Дар ин бора аз маркази ҷумҳуриявии дарёфт ва рушди истеъдодҳо хабар доданд.
Дар ин олимпиада беш аз 218 хонанда аз 7 кишвари қитъаи Осиё, аз ҷумла Тоҷикистон, иштирок намуда, иштироки 5 давлати дигар тариқи фосилавӣ дар назар дошта шудааст, ки пас аз он натиҷагирии умумӣ сурат мегирад.Ҷумҳурии Тоҷикистонро дар ин олимпиада 14 хонанда намояндагӣ карданд. Ҳамчунин, хонандагон аз Туркманистон, Қазоқистон, Қирғизистон, Малайзия, Мянмар ва Камбоҷа ширкат варзиданд.Хонандагони Тоҷикистон дар ин олимпиада натиҷаҳои назаррас ба даст оварданд, аз ҷумла:Аз фанни забони англисӣ:
- 1 хонанда соҳиби ҷойи 1-ум;
- 4 хонанда соҳиби ҷойи 2-юм;
- 6 хонанда соҳиби ҷойи 3-юм.
Аз фанни математика: - 1 хонанда соҳиби ҷойи 1-ум;
- 2 хонанда соҳиби ҷойи 3-юм.
Ин дастовардҳо нишондиҳандаи омодагии баланд ва истеъдоди хонандагони тоҷик дар арсаи байналмилалӣ мебошанд.
Иштироки хонандагони болаёқати кишвар дар олимпиадаҳои байналмилалӣ аз як ҷиҳат дохил шудан ба фазои олимпиадаҳои умумиҷаҳонӣ ва омӯзиши таҷрибаи давлатҳои пешсаф бошад, аз нуқтаи назари дигар ба амалигардонии «Барномаи давлатии дарёфт ва рушди истеъдодҳо барои солҳои 2021-2025» мусоидат менамояд.
Please follow and like us:
