РАДИОИ ФАРҲАНГ

15 сол дар фазои иттилоотии Ватан

Дар Осорхонаи миллӣ таҳти унвони «Роҳҳои дурусти тавсифи илмии нусхаҳои хаттӣ дар осорхонаҳо» ҳамоиш баргузор шуд

27 октябр дар Осорхонаи миллии Тоҷикистон бо мақсади омӯзиш, ҳифз ва муаррифии мероси хаттии ниёгон семинари илмӣ-омӯзишӣ дар мавзӯи «Роҳҳои дурусти тавсифи илмии нусхаҳои хаттӣ дар осорхонаҳо» баргузор гардид.

Дар семинари мазкур ходимони илмии хона-осорхонаҳои адабии Садриддин Айнӣ, Абулқосим Лоҳутӣ, Мирзо Турсунзода, Муҳаммадҷон Раҳимӣ, Осорхонаи китоби Муассисаи давлатии “Китобхонаи миллӣ” ва устодону донишҷӯёни Донишгоҳи миллии Тоҷикистон иштирок намуданд.

Директори Муассисаи давлатии “Осорхонаи миллӣ” Иброҳимзода Зафаршо дар сухани ифтитоҳии хеш зикр намуданд, ки мероси хаттӣ — яке аз арзишҳои асосии таҷассумгари таъриху фарҳанги миллии халқи тоҷик ба шумор рафта, он ҳамчун сарчашмаи муҳими таърихӣ дар омӯзиши ҷанбаҳои мухталифи таърихи халқи тоҷик нақши муҳим дорад.

Воқеан мероси хаттӣ ба омӯзиш ва таҳқиқи ҳамаҷонибаи таърии ҳар як халқу миллат мусоидат карда, барои баланд бардоштани сатҳи худшиносию худогоҳии мардум ва рушду нумӯи фарҳанги миллӣ замина мегузорад.

Дар семинар аз ҷониби мутахассисони шуъбаи мероси хаттии Муассисаи давлатии “Осорхонаи миллӣ” роҷеъ ба нозукиҳои риштаи дастхатшиносӣ ва роҳҳои дурусти тавсифи илмӣ намудани нусхаҳои хаттӣ дар осорхонаҳо маърӯзаҳои илмӣ ироа гардид.

Дар охир миёни иштирокчиёни семинари илмӣ-омӯзишӣ дар мавзӯи «Роҳҳои дурусти тавсифи илмии нусхаҳои хаттӣ дар осорхонаҳо» муњокима ва табодули афкор сурат гирифт.

Ҳамзамон, пас аз анҷоми семинари мазкур иштирокчиён аз толорҳои намоишии доимоамалкунандаи “Мероси хаттӣ” ва “Ҳунари хушнависӣ”-и Муассисаи давлатии “Осорхонаи миллӣ” боздид ба амал оварда, аз ҷониби роҳбаладон ба онҳо сайри осорхонавӣ баргузор карда шуд.

Please follow and like us:
Pin Share

Добавить комментарий

Ваш адрес email не будет опубликован. Обязательные поля помечены *

YouTube
Telegram