29 ноябри соли 2023 сафири фавқулода ва мухтори Ҷумҳурии Тоҷикистон дар Ҷумҳурии Ӯзбекистон А. Раҳмонзода бо раиси Комиссияи олии аттестатсионии назди Кабинети вазирони Ҷумҳурии Ӯзбекистон А. Юсупов мулоқот анҷом дод. Дар ин бора аз Сафорати Ҷумҳурии Тоҷикистон дар Ҷумҳурии Ӯзбекистон хабар доданд.
Зимни мулоқот ҷонибҳо ба масъалаҳои истифодаи имкониятҳои васеи ду кишвар изҳори назар намуда, ҷиҳати омода кардани лоиҳаи созишнома дар соҳаи аттестатсияи кормандони илмӣ ва илмӣ-омӯзгории тахассуси олӣ пешниҳодҳои судманд иброз карданд.
Ҷонибҳо инчунин роҷеъ ба густариш бахшидани ҳамкорҳо ҷиҳати омода намудани мутахассисон дар соҳаҳои илмҳои дақиқ ва техникӣ, аз ҷумла технологияи рақамӣ табодули афкор намуданд.
Please follow and like us:
