РАДИОИ ФАРҲАНГ

15 сол дар фазои иттилоотии Ватан

Русия ба Вазорати тандурустӣ ва ҳифзи иҷтимоии аҳолии Тоҷикистон ду озмоишгоҳ туҳфа кард

25 январи соли равон дар Маҷмааи тандурустии “Истиқлол” маросими тақдими як адад озмоишгоҳи микробиологӣ ва хаймаи озмоишгоҳи сайёр аз ҷониби Федератсияи Россия ба Вазорати тандурустӣ ва ҳифзи иҷтимоии аҳолии Ҷумҳурии Тоҷикистон баргузор гардид, ки дар он муовини вазири тандурустӣ ва ҳифзи иҷтимоии аҳолӣ Абдухолиқ Амирзода, намояндагони Сафорати Федератсияи Россия дар Ҷумҳурии Тоҷикистон иштирок намуданд. Дар ин бора аз Вазорати тандурустӣ ва ҳифзи иҷтимоии аҳолии Ҷумҳурии Тоҷикистон хабар доданд.

​Гуфтан ҷоиз аст, ки дар дохили нақлиёт ва хаймаи озмоишгоҳи сайёр тамоми асбобу таҷҳизоти озмоишгоҳии муосир ва ҷавобгӯ ба талаботи замони муосир маҳайё гардида, онҳо барои пешбурди фаъолияти Муассисаи давлатии “Маркази ҷумҳуриявии мубориза бар зидди бемориҳои карантинӣ”-и Вазорати тандурустӣ ва ҳифзи иҷтимоии аҳолии мамлакат пешбинӣ гардидаанд.

Тавре зикр гардид, соли 2023 миёни Ҳукумати Ҷумҳурии Тоҷикистон ва Ҳукумати Федератсияи Россия дар самти ҳифзи санитарию эпидемиологии аҳолӣ Созишнома ба имзо расонида ​ шуд.

​Ин кумакҳо низ тибқи банди дуюми созишномаи мазкур ҷиҳати ҳамкориҳо дар самти пешгирии бемориҳои ниҳоят хавфнок ва ҳифзи санитарии худуди Ҷумҳурии Тоҷикистон ва умуман ҳудуди Иттиҳоди давлатҳои Муштаракулманофеъ (ИДМ) пешниҳод карда шудаанд.

Please follow and like us:
Pin Share

Добавить комментарий

Ваш адрес email не будет опубликован. Обязательные поля помечены *

YouTube
Telegram