1 августи соли 2025 вазири корҳои хориҷии Ҷумҳурии Тоҷикистон Сироҷиддин Муҳриддин намояндаи доимии навтаъйини Намояндагии Барномаи рушди Созмони Милали Муттаҳид (БРСММ) дар Тоҷикистон Судипто Мукерҷиро ба ҳузур пазируфт. Ҳамсуҳбатон фаъолияти БРСММ-ро мавриди баррасӣ қарор дода, мавзуоти марбут ба лоиҳаҳои дар Тоҷикистон татбиқшаванда ва чорабиниҳои дарпешистодаро матраҳ намуданд. Дар ин бора аз Вазорати корҳои хориҷии Ҷумҳурии Тоҷикистон хабар доданд.
Зимни мулоқот вазири корҳои хориҷӣ С. Мукерҷиро бинобар ба вазифаи нав таъйин шуданаш табрик намуда, ба ӯ ҷиҳати таҳким ва боз ҳам густариш додани муносибатҳои Тоҷикистон бо БРСММ ва пешбурди фаъолияти касбиаш комёбиҳо орзу кард.
Please follow and like us:
