РАДИОИ ФАРҲАНГ

15 сол дар фазои иттилоотии Ватан

Рӯзи модар. Филми “Охирин сайди Сайёд” ба бонувон намоиш дода шуд

Бахшида ба таҷлили Рӯзи Модар бо ташаббуси Кумитаи иҷроияи Ҳизби Халқии Демократии Тоҷикистон дар ноҳияи Шоҳмансур филми ҳунарии “Охирин сайди Сайёд” барои бонувони Раёсати истифодабарии роҳҳои ноҳияи Шоҳмансур намоиш дода шуд. Дар ин бора аз Кумитаи иҷроияи ҲХДТ дар ноҳияи Шоҳмансур хабар доданд.

Пеш аз намоиши филм нахуст, Каримзода Нилуфар – раиси Кумитаи иҷроияи ҲХДТ дар ноҳияи Шоҳмансур бахшида ба Рӯзи Модар бонувони иштирокчӣ ва дар симои онҳо кулли бонувони кишварро табрику таҳният намуда, афзуд, ки имрӯз шаҳри зебои Душанбе ба бӯстони ҳамешабаҳор мубаддал шудааст, ки дар бунёди ин зебоиҳо эъҷози дастони гулпарвари бонувони пойтахт ва саҳми арзандаи онҳо дар ободии кишвар ба ҳисоб меравад.

Дар ин радиф, Ашурова Дилрабо – муовини раиси Кумитаи иҷроияи ҲХДТ дар шаҳри Душанбе низ баромад карда, зикр намуд, ки хушбахтона, маҳз дар замони соҳибистиқлолии кишвар барои фаъолияти бонувон дар арсаҳои мухталифи зиндагӣ ва ширкати густурдаи онҳо дар пешрафти ҷомеа заминаҳои мусоид фароҳам оварда шудаанд, ки ин иқдом аз таваҷҷӯҳи доимии Пешвои муаззами миллат — Раиси ҲХДТ муҳтарам Эмомалӣ Раҳмон нисбат ба баланд бардоштани мақому мартабаи Зан-Модари тоҷик шаҳодат медиҳад.

Please follow and like us:
Pin Share

Добавить комментарий

Ваш адрес email не будет опубликован. Обязательные поля помечены *

YouTube
Telegram