РАДИОИ ФАРҲАНГ

15 сол дар фазои иттилоотии Ватан

Дар ДДОТ конференсияи илмӣ-назариявии байналмилалӣ дар мавзуи «Берунӣ – алломаи Машриқзамин» доир мешавад

20 майи соли 2023 дар Донишгоҳи давлатии омӯзгории Тоҷикистон ба номи Садриддин Айнӣ конференсияи илмӣ-назариявии байналмилалӣ дар мавзуи «Берунӣ – алломаи Машриқзамин» (бахшида ба 1050 солагии Абурайҳони Берунӣ)» баргузор мегардад. Дар ин бора аз ДДОТ хабар доданд.

Дар конференсия масъалаҳои зерин мавриди баррасӣ қарор мегиранд:

1. Вазъи сиёсии Осиёи Марказӣ дар замони Абурайҳони Берунӣ;

2. Ҳаёти фарҳангии халқҳои Осиёи Марказӣ дар асрҳои X –XI;

3. Марказҳои илмӣ ва вазъи инкишофи илм дар асрҳои X –XI;

4. Нақши академияи Маъмун дар рушди илм;

5. Ҳаёт ва фаъолияти Абурайҳони Берунӣ;

6. Равобити илмии Абурайҳони Берунӣ бо донишмандони замон;

7. Абурайҳони Берунӣ – муаррих, ҷуғрофидон, мардумшинос ва филолог;

8. Андешаҳои фалсафии Абурайҳони Берунӣ;

9. Афкори сиёсӣ-ҳуқуқии Абурайҳони Берунӣ;

10. Абурайҳони Берунӣ ва рушди илмҳои табиатшиносӣ;

11. Саҳми Абурайҳони Берунӣ дар рушди илми ситорашиносӣ;

12. Абурайҳони Берунӣ — ҳиндушинос;

13. Таҳқиқи осори Абурайҳони Берунӣ аз ҷониби донишмандони муосир.

Конференсия соати 10:00 дар толори шурои олимони донишгоҳ ифтитоҳ мегардад ва дар бахшҳо вобаста ба маърузаҳои дар барнома муайяншуда аз соати 13:00 дар бинои факултети таърих ва ҳуқуқ ҷараён мегирад.

Please follow and like us:
Pin Share

Добавить комментарий

Ваш адрес email не будет опубликован. Обязательные поля помечены *

YouTube
Telegram