18 октябри соли 2023 вазири корҳои хориҷии Ҷумҳурии Тоҷикистон Сироҷиддин Муҳриддин нусхаи эътимодномаи роҳбари навтаъйини Намояндагии Хазинаи кӯдакони СММ (ЮНИСЕФ) дар Тоҷикистон Артур ван Дизенро қабул кард. Дар ин бора аз Вазорати корҳои хориҷии Ҷумҳурии Тоҷикистон хабар доданд.
Пас аз анҷоми маросим ҷонибҳо ҳамчунин масъалаҳои ҳамкориҳои Тоҷикистон бо ЮНИСЕФ, аз ҷумла раванди татбиқи Барномаи кишварии ЮНИСЕФ барои солҳои 2023-2026 ва Рӯзномаи 2030 оид ба рушди устуворро мавриди баррасӣ қарор доданд.