Имрўз дар шаҳри Москваи Федератсияи Русия ҷаласаи навбатии Шурои сарони Ҳукуматҳо-Сарвазирони кишварҳои аъзои ИДМ баргузор гардид, ки дар кори он Сарвазири Ҷумҳурии Тоҷикистон Қоҳир Расулзода низ иштирок намуд.
Кори ҷаласаи навбатии Шурои сарони Ҳукуматҳо-Сарвазирони кишварҳои аъзои ИДМ дар шаҳри Москваи Федератсияи Русия бо маросими аксарии роҳбарони ҳайатҳо оғоз шуд.
Дар ҳайати васеъ муҳимтарин масъалаҳои фарогири ҳамгироии давлатҳои аъзои иттиҳод, аз қабили иқтисоду тиҷорат, сармоягузорӣ, илму маориф, саноату кишоварзӣ, гумрук, маориф ва илм, сайёҳӣ, фарҳанг ва тандурустӣ мавриди баррасӣ қарор дода шуда, оид ба Ёддошти ҳамкорӣ байни кишварҳои узви Иттиҳоди Давлатҳои Мустақил дар соҳаи табдили рақамии маҷмааи нақлиёт, Созишномаи ҳамкории давлатхои аъзои ИДМ дар тараққиёти киштисозии гражданӣ ва истеҳсоли қисмҳои киштӣ, Созишнома оид ба тайёр кардани кадрҳо барои хадамоти пенитенсиарии (хадамоти зиндон) давлатҳои аъзои Иттиҳоди Давлатҳои Мустақил, Барномаи рушди ҳамкориҳои кишварҳои узви ИДМ дар соҳаи омӯзиш, истифода, ҳифз ва мониторинги обҳои зеризаминӣ барои давраи то соли 2030 ва нақшаи чорабиниҳо оид ба татбиқи он, дар бораи монеаҳо дар савдои тарафайн байни давлатҳои аъзои ИДМ, Нақшаи чорабиниҳои афзалиятнок дар соҳаи ҳамкориҳои башардӯстонаи кишварҳои узви ИДМ барои солҳои 2025-2026, дар бораи натиҷаи санҷиши ҳуҷҷатии хароҷоти Кумитаи кор бо сарбозони интернасионалист дар назди Шурои Сарони ҳукуматҳои давлатҳои аъзои Иттиҳод саҳмҳои муштараки давлатҳои аъзои ИДМ барои дар солҳои 2021-2022, маблағгузорӣ намудани чорабиниҳои Барномаи байнидавлатии баланд бардоштани сифати зиндагии собиқадорони ҷанг — иштирокчиёни муноқишаҳои маҳаллӣ ва аъзои оилаҳои онҳо дар кишварҳои аъзои ИДМ барои солҳои 2021-2025, дар бораи натиҷаҳои санҷиши ҳуҷҷатии фаъолияти молиявию хоҷагии Раёсати иҷроияи Хазинаи байнидавлатии ҳамкориҳои башардӯстонаи кишварҳои аъзои Иттиҳоди Давлатҳои Мустақил, ки дар соли 2023 гузаронида шудааст,дар бораи истифодаи маблағҳо барои ташкил ва рушди системаи муштараки мудофиаи зидди ҳавоии давлатҳои аъзои Иттиҳоди Давлатҳои Мустақил ва таъмини фаъолияти Кумитаи ҳамоҳангсозӣ оид ба масъалаҳои мудофиаи ҳавоии назди Шӯрои вазирони мудофиаи давлатҳои аъзои Иттиҳоди Давлатҳои мустақил дар соли 2023, дар бораи буҷети ягонаи макомоти Иттиҳоди Давлатҳои Мустақил барои соли 2025 ва дигар масъалаҳо андешаронӣ карда шуд.
Ҳамчунин дар корӣ ҷаласа қарор қабул карда шуд, ки тибқи он ҷаласаи навбатии Шурои сарони Ҳукуматҳо-Сарвазирони кишварҳои аъзои ИДМ соли 2025 дар Ҷумҳурии Тоҷикистон баргузор карда мешавад.
Дар анҷоми кори ҷаласа аз ҷониби роҳбарони ҳайатҳо санадҳои лозима ба имзо расонида шуд.