31 январи соли 2025 муовини вазири корҳои хориҷии Ҷумҳурии Тоҷикистон Фаррух Шарифзода нусхаи эътимодномаи сафири навтаъйини фавқулода ва мухтори Австралия дар Ҷумҳурии Тоҷикистон (бо иқоматгоҳ дар ш. Москва) Ҷон Уилям Гирингро қабул намуд. Дар ин бора аз Вазорати корҳои хориҷии Тоҷикистон хабар доданд.
Зимни суҳбат ҷонибҳо атрофи ҳолати кунунӣ ва дурнамои густариши ҳамкорӣ байни Тоҷикистону Австралия, инчунин ҳамкорӣ дар доираи созмонҳои байналмилалӣ табодулӣ назар карданд.