РАДИОИ ФАРҲАНГ

15 сол дар фазои иттилоотии Ватан

Дар ДМТ Маркази сайёҳӣ ифтитоҳ шуд

Дар Донишгоҳи миллии Тоҷикистон Маркази сайёҳӣ ифтитоҳ гардид. Маркази мазкур бо  мақсади омода намудани мутахассисони соҳибкасби миллӣ дар пояи кафедраи географияи иқтисодӣ ва сайёҳӣ таъсис дода шуд. Дар ин бора аз ДМТ хабар доданд.

Дар маркази мазкур имконоти сайёҳии Тоҷикистон муаррифӣ карда шуда, дастовардҳои устодону донишҷӯёни ихтисоси мазкур ва маҳсулоти ҳунарҳои мардумӣ ба намоиш гузошта шудаанд. Дар баробари ин дар марказ корҳои илмӣ, тадқиқотӣ, озмоишӣ, баргузории конфронсҳо ва вохӯриҳо ба нақша гирифта шудааст.

Зимнан гуфта шуд, ки дар ташаккул ва рушди сайёҳӣ нақши мутахассисони соҳибкасби миллӣ низ муҳим мебошад.

Тазаккур дода шуд, ки имрӯз раванди ҷаҳонишавӣ босуръат идома дорад, иқтисодиёти давлатҳо омезиш меёбад ва сайёҳӣ ба яке аз самтҳои муҳимми иқтисоди миллии аксар давлатҳо табдил ёфта истодааст. Гузашта аз ин, вобаста ба пешрафти иқтисодӣ ва афзоиш ёфтани дараҷаи даромаднокии аҳолии мамлакатҳои минтақаҳои Аврупо, Америка, Осиёи Шарқӣ ва соҳили уқёнуси Ором шумораи сафарҳои сайёҳӣ сол ба сол афзоиш ёфта истодааст.

Сайёҳӣ яке аз самтҳои афзалиятноки иқтисоди миллӣ ба шумор меравад. Таҳлилҳо собит менамоянд, ки аксари давлатҳое, ки дорои иқтидори сайёҳӣ мебошанд ва ташкилу ташаккули фаъолияти сайёҳиро дуруст ба роҳ мондаанд, дар бозори ҷаҳонии сайёҳӣ мавқеи худро ишғол намудаанд.

Аз ин рӯ, омода намудани мутахассисони ба талаботи муосири бозори сайёҳӣ ҷавобгӯ вазифаи аввалиндараҷа ба шумор рафта, дар пешрафти соҳа мутахассисон нақши калидиро иҷро менамоянд.

Please follow and like us:
Pin Share

Добавить комментарий

Ваш адрес email не будет опубликован. Обязательные поля помечены *

YouTube
Telegram